योग्य प्रस्ताव ठेवा

  केंद्रातील नरेंद्र मोदी यांच्या भाजप सरकारवर दोन महिन्यांत एकाच विषयावरचे प्रस्ताव मागे घेण्याची नामुष्की एकदा नाही तर दोनदा आेढवली आहे. कर्मचा-याना आपल्या भविष्य निर्वाह निधीतून पैसे काढण्यासाठी सरकारने घातलेल्या 58 वर्षे वयाच्या अटीच्या विरोधात देशभरात कामगार संघटनांनी आंदोलन करून हा प्रस्ताव मागे घ्यायला भाग पाडले आणि दुसरे कर्मचारी काढणार असलेल्या 60 टक्के रकमेवर कर आकारण्याचा अर्थमंत्री अरूण जेटली यांचा प्रस्ताव पचनी न पडल्याने तोही मागे घेण्यात आला. स्वतःचे पैसे काढण्यासाठी 58 वर्ष कोण वाट पाहणार? दोन्ही दुरूस्त्या आणि प्रस्ताव चुकीचे होते सरकारचा प्रस्ताव मागे घेण्याची आेढावलेली नामुष्की एकीकडे सरकारचा कमकुवतपणा जाहीर करते तर दुसरीकडे सरकारचे वास्तवापासून सुटलेले भान दर्शवते चांगले दिवस दाखवण्याचे स्वप्न दाखवले होते हेच का ते चांगले दिवस तुम्ही तुमचे प्रस्ताव असे मांडा की जेणेकरून ते देशासाठी आणि सामान्य नागरिकांसाठी फायदेशीर ठरतील.