जाहिराती पासून सावधान...

  आजकाल ग्राहकांची विविध मार्गांनी कशी फसवणूक करायची याची जणू स्पर्धाच लागली असल्याचं दिसत आहे. कोणीही यांव आणि ग्राहकांची फसवणूक करून जांव, अशी काहीशी अवस्था ग्राहकाची झाली आहे. अगदी ताजं उदाहरण द्यायचं झाल्यास मेपल या कंपनीचं देता येईल.अनेक जाहिरातींत प्रसिद्ध व्यक्ती मॉडेल म्हणून वापरले जातात. अमाप पैसा मिळतो हे लक्षात घेऊन जाहिराती करणा-या सेलिब्रिटीजना तुम्ही चुकीचं वागत आहात हे कोण सांगणार ?

     एकूणच फसव्या जाहिरातींना न भुलता, बळी न पडता डोळे उघडे ठेवून ग्राहकांनी त्याकडे बघण्याची गरज आहे. ग्राहकांसाठी फक्त रात्रच नाही, तर दिवसही वै-याचा आहे ! विविध माध्यमांतून ग्राहकांवर जाहिरातींचा मारा सतत होत आहे. अनेक भाबडे लोक, विशेषतः लहान मुलं आणि महिला त्या जाहिरातींना भुलत आहेत. आकर्षक जाहिरातींना शरण जाण्याची सवय सोडून जाहिरातींकडे साशंकतेनं व विचारपूर्वक बघायची सवय करावी लागेल आणि आपल्या पुढच्या पिढीलाही तशीच सवय लावावी लागेल.

तुमची तक्रार व्हॉट्स अॅप करा ...
खोट्या आणि फसव्या जाहिरातींवर आक्षेप घ्यायला हवा. अशा जाहिरातींच्या विरोधात तक्रार नोंदवणं सोंपं असतं. तक्रार नोंदवल्याशिवाय कारवाई होऊ शकत नाही. आक्षेपार्ह जाहिरातींची तक्रार ग्राहक व्हॉट्स अॅपच्या साह्यानं सहजपणे करू शकतो. Advertising standards council of India (ASCI) ने एक व्हॉट्स अॅप नंबर दिलाय 
(91-7710012345). एखाद्या आक्षेपार्ह किंवा दिशाभूल करणा-या जाहिरातीचा फोटो किंवा लिंक आपण व्हॉट्स अॅपद्वारे पाठवू शकतो. ASCI ही आपल्या तक्रारीची शहानिशा करते आणि निर्णय घेते